Eclipse 2009
Ficha Técnica
All songs are published by Africa Nostra (SACEM)
except:
Eclipse: published by Africa Nostra / Editions de Bertholène
Orfelino published by Editions de Bertholène
Tabanka & Sukundida: D.R. / Copyright Control
Canta Um Tango: published by Africa Nostra / Microcosmo Edizioni.
Musicas:
- Libramor (Mário Lúcio) 4:25
- Um Dia (Toy Vieira) 4:25
- Tabanka (Orlando Pantera) 4:22
- Eclipse (B.Leza) 5:36
- Marinhêro (Mário Lúcio) 3:54
- Maria (Lura – Edevaldo Figueiredo / Lura) 3:50
- Terra’L (Michel Montrond) 4:39
- Quebród Nem Djosa (Valdemiro Ferreira) 4:02
- Na Nha Rubera (Antonio “Kino” Cabral) 4:27
- Orfelino (René Cabral) 4:26
- Sukundida (Orlando Pantera) 3:49
- Mascadjôn (Alfredo Gomes Monteiro) 4:12
- Queima Roupa (Mário Lúcio) 3:27
- bonus track: Canta Um Tango (Giacomo Pedicini / Teofilo Chantre) 5:49
Letras
Libramor
(Mário Lúcio / Mário Lúcio)
Ah amor, amor nobo
É flor di carrapati
Kel mesmo na desamor
É pedra na sapati
Ah amor é kel tal e qual
Ké di cada qual
Di N krê-bo, a credo, a tédio
Tem cuzas fatal
Abençoados
Suados
Ah amor doença fina
Ki ta bá ta aumenta
Kel mesmo amor ki dipos
Ta bira tormenta
Ah amor é kel tal e qual
Nunca sempre igual
Abraços, casos, laços,
E otos cusas fatal
Midjor de mundo
Imundo
Ah Amor, amor nobo
Ca ta sai di boca
Quel mesmo amor na ora não
Nem pa bu toca
Ah amor é quel tal e qual
Instinto animal
Fêmea, sémen, gérmen,
E otos cusas fatal
É feitiço
É isso
Um Dia
(Toy Vieira / Toy Vieira)
Senti, um alegria na nha peito
Algo ivadim nha coração, ternura e paz
Depôs dum nôte, dum sonhe tão feliz
Um cordá tud`animód
Que sorriso na rosto, mim, chei d`imaginação
Um oiá nha terra verde chei de prosperidade
Tchuva ta cai, tude menine ta brincá
Q`oi brilhante de felicidade
Vida de bonança
Sem miséria sem fome
Vida bom pa tude gente
Alegria na povo
Um paraíso di amor
Lay eh lay a lay eh…
Tabanka
(Orlando Pantera / Orlando Pantera)
E fla, hey Tabanka flam, undi ki bu staba,
Kal kê bô feeling, kal kê bu rumo, undi u á ta bai?
Hey Tabanka flam, undi bu staba, undi ki bu fica,
Undi ki bu xinta, undi u sa ta bai?
Hey Tabanka flam undi bu meti, undi bu stá
Kal kê bô feeling, undi ki bu perdi?
Hey Tabanka flam kal kê bu rumo, ma e motivi
Ma e pamodi, ma e pa bia, undi u staba moss?
*Refrão:
Eh Rei ku si spada di pa dianti el ta kumanda tudo gentis di Tabanka!
Hey Tabanka flam undi bu staba, undi bu meti,
Kal kê bô feeling, undi u á ta bai?
Hey Tabanka flam kal kê bu rumo, ma e motivi,
Ma e pamodi, ma ê pa bia, undi u staba moss?
E na kumbersu Koitadu di kampunês ki N a ta suletra amargura
Na anu simentera kê pa tem fartura ! Ó Ki midju ku fixon inganadu pa txuba,
Rostu kaskadu di nha Inês e ka diferenti di kes otus kamponês não!
Kampunês ku xintidu kalkadu
Kampunês ku si bida mariadu
Si Batuku ku si Tabanka fudjadu, oh nha mãe!
Pa txon pa txon pari baxinha. Pê odja si txon ku teson di txuba.
Pa aroca ku bobra kai na ladera! Nton kampunês ka ta vivi kalkadu mas não!
Hey Tabanka flam, undi bu staba, kal kê di bo, undi ki bu perdi,
Undi bu fica, u sta bai, u sta bem?
Hey Tabanka sima bô e bonita, bô e formosa, abo e linda,
Abô e fixi, undi u á ta bai?
Lua raia n`azul di céu
Num note sereno d`Abril
Sê luz spadjâ na mato
Ma na rosto di nha crêtcheu
Nôte di luar di prata
Num céu bordado de strela
Nôte qui beija nha mulata
A mim el dixâm sô que sê recordaçon
Era um nôte de poesia na céu
Nôte de sonho e de amor celeste
Di luar sim c`ma névoa fria
Raiâ sê splendor na rosto de nha crêtcheu
Dipôs lua toldâ di névoa , mundo perdê sê ligria
Nôte merguiâ na treva, Morna perdê sê poesia
Sô um brisa leve d`amor fica ta ôndia na sucuro
Naquel silêncio di dor Eclipse el spadjâ
Num nôte di luar tão puro
Nha crêtcheu perdê sorriso di sê rosto
Se alegria di um moça fagueira
Pomóde lua nha companheira
Tem hora di alegria
E hora di disgosto
Marinhêro
(Mário Lúcio / Mário Lúcio)
Marinhêro
Bu dia ka tem
Meio dia ê tem
Só madrugada
Mesmo assim é midjor ki tempo mau
Marinhêro
Nha pai era
Marinhêro, si mudjer
Viúva di bespa
Mesmo assim é midjor qui tempo mau
Tempo mau tempo mau,
Tempo mau ta trazê
Disgostu ki nha aldeia ka pode kuel
Tempo mau tempo mau
Tempo mau ta trazê
Lembranças ki nha memória ka pode kuel
Dianti di mar só mudjeres ta grita
Oh leba oh, leba oh, leba oh…
Maria
(music: Lura – Russo Figueiredo / lyrics: Lura)
Eh Maria, Maria, Maria eh, Maria
Maria eh, Maria, Maria eh, Maria
Nobidadi tchiga na mim sima bensu nhôr Deus
Nha guenti n`ka sabi si n ta ri si n ta tchora
Dam gana da`taki ma n pensa dôs bês
Pamó goci nôs é dôs arguem
Prumeru kusa ki n pensa
Ki nomi ki n sta dal
Eh nha guenti N da volta cabeça n pensa tudo pensa
Ma nada Ka sai
Eh Maria, Maria, Maria eh, Maria
Maria eh, Maria, Maria eh, Maria
Maria nomi ki n ta gosta
Nha nomi e Maria nha mãe e Maria
Não ma forti Maria
Maria na Terra Maria na Céu
Simé ê fika Maria
Pomó mi e Maria nha mãe e Maria
Não ma forti Maria
Maria na Terra Maria na Céu
Eh Maria, nha dona e Maria nha mãe e Maria,
Nha tia e Maria, nha mana e Maria, a mi e Maria
Nha fidju e Maria
Terra`l
(Michel Montrond / Michel Montrond)
Bida, nha bida, bu bida, nôs bida
Labantâ dentu sedu anti terra`l risca na mar
Galu ta kantâ pilon na Barraka, cus cus kenti di midju terra
Hó kel gufongu di brasa
E dentu sedu, e mi propi ke mi
E baxu txuba, e mi propi ke mi
Báxu disafor di kapataz ma n`tem fé
Ma trabadju faimu ta Kabâ um dia sim
Tixo ku Ntoni ka ta kortanu dia más
É tristi pa um pai korda na sê kaza dentu sedu
Minis tudu ku fomi, boka pa céu, marrigal´na mormansu…
Pô barra Kamin di dentu pa Sul…
Ó ki tchiga la na Furninha pô da topada
Tentê terra fino bota na dedu pa sara más fassi…
Bá tê Sul panhâ Karru Djémi tê bô pô bá tê bila…
Ó ke txiga la na Kobon di Nona dixe karru prankan
Um monti minis di bila bu trás ta manga di bô, ta fra sim:
Ê bô la homi di fora! Ê bô la homi di fora!
Karsa pê Kumpridu pê na txon! Karsa pê kumpridu pê na txon!
Quebród Nem Djosa
(Valdemiro Ferreira / Valdemiro Ferreira)
Nha julbera ca tem um cêntimo
M ta quebród que nem Djoza
La na casa moral ta boche
M ta quebród que nem Djoza
Já m mandá paródia pa stótcha
M ta quebród que nem Djoza
Cada um na sê lugar
M ta quebród que nem Djoza
Mesmo assim lá pa dia 10 já m t`inrrascód
Vida tam difícil ca tem matemática pa resolvel
Gós turdia diab`intentam
M tá quebród que nem Djoza
M corrê mon na cosa de gente
M ta quebród que nem Djoza
M benzê m sai bai
M tá quebród que nem Djoza
Moda m lembrá mi é cabo-verdiano
M tá quebro que nem Djoza
Oh Zulmira
Ca bô infrontam já m ca podê mas
Na Nha Rubera
(Antonio “Kino” Cabral / Antonio “Kino” Cabral)
Mocinhus n sta riba mundu n sta concentra nha Kalku
Pam da passu pam bai
Kansera ka krê odjam, nha korpu, korpu, nha korpu
Sa ta pidi kusa Terra
Funaná dja tocam na fundu
Sima batuku inspiram pam da passu pam bai
Bandera dja entra meio, batuku, tchabeta fincadu
Oh ya ya terra terra
Uoyaya yaya
So gazadju, gazadju pa m aguenta nha sonu
Funaná e ku força na Korpu, e forsa ku tempra natural
So batuku, batuku fincadu na terreru, ku discansu di ferru ku gaita
Nu da palma nu força batuku
Oh, oh canadja
Sta stribilim es kre pa nu pára badju
Oh, oh Barretu
Barretu e nha parti trisnota
Pa kumesa Djulangui, rostu pa pa Canis
Anda pa rubera odju pa Galhon
Kumesa na Djulangui
Trabessa na Ladera futi pa ponti na pé di polon
Na nha Rubera, nu ta pila funaná
Na nha Rubera, rainha di trisnota
Na nha rubera,congu ta bai kus kus ta bem
E badju ti pal manhã
Orfelino
(René Cabral / René Cabral)
Um encontrá um orfelino um dia ta tchorá
M dzêl oi fidje ka bo tchorá
El respondem, q´água na oi, papai já bai
M tem dor, dor na nha coração
Um encontrá um orfelino na rua ta tchorá
M dzêl oi fidje ka bo tchorá
El respondem q´água na oi, mamã já bai, oh Santa Maria
M fcá q dor, dor na nha coração
É por isso q´um ta pidi Deus na céu
Pa panhá quel menine pa pol na sê ragaço
Orfelino bo ta ser Home um dia
Sukundida
(Orlando Pantera / Orlando Pantera)
Nha kumadri Zita nha flam mó ki nha sta
Nha dan Konta mocinhus mo ki sta la na casa
Fladu Bentura el ba pila ku Xenxu
El Kai dentu lembiqui el sai ta pinga txapu txapu
Zé di gordura ki staba na si sentu
Ta brinka se lembiki dundu subil na kasaco
Joana bu a ta brinka sukundida
Abô ma flanu a ta brinka sukundida
Maxi di Dida maridu na strangeru dja ranja si brageru
M pensa ta brinka sukundida ma ma
Brinka, brinka
Brinka sukundida
Brinka, brinka
Brinka sukundida
Mascadjôn
(Alfredo Gomes Monteiro / Alfredo Gomes Monteiro)
M bá um festa na Colarinho mi Ku Fatinha di nha Pretinha
Ku tristeza na coraçon pamodi Jorge ka staba la
M bá ta passa na Senhor do Mundo
Jorge kenti txiga na mi, m pegal m pol riba cama
El perguntam si dja txiga Praia
N flal
*Refrão:
Oi moss abo sta na Senhor do Mundo
Si bu ka larga stória bibida
Bu ta txiga pertu di casa branca
Ba ta passa trás di bu casa
N obi kumbersu ki n ka contenti
N xinta n kuda mundu ki disgostam di festa fora
E na mascadjon mas di más ta fazi mal
Ai si kumbersu lagadjidu
Ki ta kai na obidu di guentis grandi
Oi bu fama ta kaba
Oi bu fama ta kaba
Oi bu fama ta Kaba, e na mascadjon
Queima Roupa
(Mário Lùcio / Mário Lùcio)
Ka bu fla-m nunca más ma bu cre-m txeu
Txeu, txeu, txeu, txeu
Ki si N bai ô si n’dexa-u bu ta morri
Keli é ka nenhum consolo
Ka bu fla-m nunca más ma mi ê di bo
Di bo, di bo, di bo, di bo
Ti ki mi dja N dexa de ser di mi
Keli é ka nenhum consolo
Ka bu fla-m nunca más ma mi ê dimás
Di más, di más, di más, di más
Ti ki bu ka sta ceta-m nenhum sinal menos
Keli é ka nenhum consolo
Ka bu fla-m nunca más ma bu é feliz
Feliz, feliz, feliz, feliz
Moda gata ku si gato bu ta ranha-m
Keli é ka nenhum consolo
Larga-m, libra, libra-m de tanto desamor
Ma amor dimás ka tem
Ma de certeza tem amor pa más
Más dia menos dia um dia tem ki txiga fim
Fim mariado sta na começo de tudo ki começa mal
Cantá Um Tango
(music: Giacomo Pedicini / lyrics: Teofilo Chantre)
Doce querer
Sabor di flor di morango
Bô tem um frenesi dum nôte di fandango
Ma nh’amor mornóde é nato
Vida é um tango
Na sê dorida elegância
Nô ta enlaçá na sê tormenta
Na sê turbilhão nô ta dançá
Jamas ca bô abandoná-me
Bô qu’é luz d’néon d’nha coração
Nha paixão é sima melodia dum bandonéon
Ta exultá, ta lamentá d’satisfação
Cantá um tango
Baiá ma alegria e tristeza
Na sala d’honra di bô solidão
Tem um porta pa f’licidade
All songs are published by Africa Nostra (SACEM)
except:
Eclipse: published by Africa Nostra / Editions de Bertholène
Orfelino published by Editions de Bertholène
Tabanka & Sukundida: D.R. / Copyright Control
Canta Um Tango: published by Africa Nostra / Microcosmo Edizioni.
