 |
Ficha Técnica: Musicians on all tracks except (8 & 13):Guitar: João Pina alves (Kako). Percussion: Ademiro José Miranda (Miroca).Drums: (7) Ademiro José Miranda (Miroca), (4, 9, 10, 11) Jean-Philippe Fanfan.Bass guitar: (1, 2, 3, 6, 9, 12) Guy N'Sangue, (4, 5, 7, 10) José Paris, (11) Marabú (*). All songs arranged by Nando Andrade, except (8 & 13) arranged by Toy Vieira. All tracks, except (8 & 13), recorded in Studio La Villa (Mindelo) by Timoteo Fonseca (Mo'Green) and Nando Andrade assisted by Espovi. Additional recording made in Studio Do Soul (Paris) by Stéphane Caisson and Nando Andrade, except (*) in Estudio Tchá-Tchá-Tchá (Lisbon) by Luis Delgado and Nando Andrade. Album mixed in Studio Do Soul (Paris) by Stéphane Caisson and Nando Andrade. Mastered at Dyam by Raphael Jonin and Stephane Caisson.
|
Musicas:
- Bida Mariadu (Lura - Toy Vieira/Toy Vieira)
- Ponciana (Tibau Tavares)
- Romaria (Toy Vieira)
- No bem falá (tio Lino)
- As-Água (Tibau Tavares)
- Ês anu raboitas ka di fiansa (Aurélio Borges dos Santos)
- M'bem di fora (Katchás)
- Mari Ascenson (Traditional - Toy Vieira/Traditional)
- Galanton (Rui Cruz)
- Pensá Drêt (Edevaldo Figueiredo - Lura/Lura)
- Festa di nha kumpadri (Toy Vieria)
- Choro (Edevaldo Figueiredo - Lura)
- Feitiço di funana (Don Kikas/Lura - Don Kikas)
Letras:
01 Bida Mariadu
Lyrics: Toy Vieira
Music: Lura - Toy Vieira
Published by Africa Nostra (SACEM)
Áh ãh ãh
Eiá eiá eiá
Nha fidju undi bu stá
Nha mãe m-bá djôbi bida
Bida tristi bida mariadu
Pensa noti mó ki-n ta fasi
Corri dia nada-n ka t'atcha
Oi disisperu ma mundu ê
duêdu / ma Déus ê grandi
Áh ãh ãh
Eiá eiá eiá
Nha fidju perta cintura
Ka bu dizanima nau
Bida ka dadu di mon beijadu
Bu tem ki tem força di vontadi
Na pobreza é pa spéra tempu
Leba ku koragi nos dia-a-dia
Maior é poder di Déus
Fladu si mu poi mô nu ta djudadu
Nha fidju ka bu pára nau
Mó quem ki ta spera sempri t'alcança
02 Ponciana
Lyrics & music: Tibau Tavares
Published by africa Nostra (SACEM)
Ponciana, Ponciana, Poniana -Ka bu fla
Mo sta grávida di Chanate caboquer
Ponciana rapariga parcidinha
a mi-m criá-bu ku águ di nha boca
Avontadi bem trajade ku tudo mimo
Pa bem kasabu ku emigranti di Holanda
Nha cumpadri onti staba li na casa
Trazê recedu K'Antonim si fidje manda d'Holanda
Ma na mês di Agosto al sa ta bem di féria
Si Déus kiser al sa ta bem casa ku bó
03 Romaria
Lyrics & music: Toy Vieira
Published by Africa Nostra (SACEM)
Ii oh ke sabe, ii oh ke sabe
Rapica tambor
Pa recebês es dia grande
Festa de Romaria festa de tradição
San Jon ja tchegá
San Jon ja pedi - pa nô
Tmá rume pa Rebera de Julion
Bá cola, ii oh ke sabe, ii oh ke sabe
Bá colá, hei ba colá, ii oh ke sabe, ii oh ke sabe
Festa de Romaria é festa de tradiçon
Oh pique pique Maré d'Aninha
Kê pa nô bem colá por li
Kê pa nô bem colá por lá
Oi Senhor San Jon
Oi rapicá
Oi San Jon ja pedi ke pa nô bem
04 No Bem Falá
Lyrics & music: Tio Lino
Published by Africa Nostra (SACEM)
Ai terra ês cantá
Nha terra ês cantá
Mãe terra ês cantá
Cabo Verde
Irmon, tchegá li, sentá li sim
No bem falá um kzinha
A'm ta forte d'obiss ta fla
Nha terra é pobre el é piknim
Já ke tude é relative
Tem tcheu rikeza kê mãe de miséria
Já ke tude é relative
Tem tcheu rikeza kê mãe de pobresa
Imaginá há uns tempes atrás
Ta dxi Avenida Marginal, bróss cruzód pa trás
Lód a lód Nhô Balta e Nhô Roque
E ta bem de bóxe Cabral e Nhô Gêne
Ta sai dent d'água Zé Povinho
Manuel Lopes num convers'animód
Ai terra ês falá
Nha terra ês contá
Mãe terra ês screvê
Cabo Verde
Num Sobde di tardinha
Festa d'one na cá'Manel D'Novas
Bana ma Cize primers ê ke tchgá
Nácia Gomi parcé companhód de T Liz
Ildo Lobo, Chico, Morgadinho entra ta ri
Monsieur ês ê criol
E na porton, violon na peite
Ah kanadja na mundu, Pantera canta
Ès li n'ê ser piknin
Ès li ka ê ser pobre
ai terra ês cantá
Nha terra ês cantá
Mãe terra ês cantá
Cabo Verde
05 As-Água
Lyrics & musics: Tibau Tavares
Published by Africa Nostra (SACEM)
Tchiga mês di Junho djentsbasade dent d'horta
Ta koba kóba midju pa simia dipôs
Kês kê más lascadu o'ki kaba koba
Ta fica dentru d'horta pa simia impó
Mininus di escola dja volta di féria
Ês ka sta bem discansa ês tem ki bá trabadja
Simiadu em pó ês tem ki bá horta
Tadja galinha mátu pa ka kumé midju
Tchiga mês di Agosto tchuba bem tchobê
Djents torna volta horta pa fazê simentera
Dipôs di simentera midjo bem nascê
Mininus dentu d'horta ta tadja pardal
Começado monda djents tud'animade
Ta spera um coba d'águ pa As-Água da
sol kenti sta tchêu céu sta raganhádu
Planta sta seca tchuba fica ka bem
Lamentu guentis grandi
Ta spera um coba d'agu
06 Ês Anu Raboitas Ka Di Fiansa
Lyrics & music: Aurélio Borges Dos Santos
Published by Africa Nostra (SACEM)
Panela sta nborkadu
Pôdôgó ká teni pitróli
Nôs kankaram dja ká skangadja
Koltxon di padja dja stendedo na mei di kasa
Nha genti forti é duedu
Kama'l txon ka tem otru'l modi
Ê dêta di trás labanta di dianti
sinon galinha ta nbosta
Nhas tanboru dja ka teni midju
Nha garafon dja ka teni mel
Nha xintidu própi dja konta-m
Ma ês anu raboitas ka di fiansa
Kel katxupa sem goidura sen pintu
Bora kafé dja ka teni más goma
Nen sukri'l terra pa ndoxa
Nen dôs kudjer di leti pa korta kafé
Dentu funku dôs boronseti
Trás di kasa un txubara motxa
Ki ata pidi só bodeku ku sêfexu'l padja
Ma leti nen pa ramédi
Mosinhus dexa-m xinta pa-m sumara
Pamodi saku baziu ka ta sakedu
Dexa-m ozerba nhôs dexa-m kuda mundu
Pamodi dja-m pasa mal tamanhu
07 M'Bem Di Fora
Lyrics 6 music: Katchás / D.R.
Copyright Control
Nau nau ka nhôs stranham
Mi ê si ki-m fêtu ê Nhôr Déus qui fazem si
Nha boka ka sabi lixonxa
Nha guenti N ka kria na roda di brancos
Sodadi nha kutelu, sodadi Macati
Na mundu N ka podi tchora
Dexa kusas sima sta
Mi ti ki-m intchi N ta pupa nta rabenta pam
Ia ia ia ia Tina Preta
Oi nha guenti na mundu N ka podi mas
Ia ia ia ia Djon di mundu
Fla Macati ma sodadi ta matam
Ia ia ia ia Tina Preta
Djosé flam pa-m flau ma sodadi sta mata'l
(Lura) Zéca bô ê di undi?
(Zéca) A mi é di undi go?
(Lura) Bom a mi nha pai ê la di Mato Baxu, la di fora!
(Zéca) Dému Nhô!!!
M'Bem di fora oi
M'Bem di fora oi
M'Bem di fora oi
M'Bem di fora
M'Bem di fora oi
M'Bem di fora oi
M'Bem di fora, di fora, di fora
08 Mari D'Ascenson
Lyrics: Traditional
Music: Trdiconal - Toy Vieira
Published by Africa Nostra (SACEM)
Oh menina oh Mari D'Ascenson
Oi quem mandob cai de cavole
M cai m escorossá nariz
Oi na descida di riberonzim
Culpód foi nho Jon d'Anjinha
Oi kem mandam montá na el
Ma cai escorrossá nariz
Oi na decida di riberonzim
Nô bai oi nô bai oi no bai tude devagarzim
Nô bai oi no bai oi no bai tude devagarzim
Nô bai oi no bai oi na descida di Riberonzim
Nô bai oi no bai oi na descida di Riberonzim
09 Galanton
Lyrics & music: Rui Cruz
Published by Africa Nostra (SACEM)
Ti oxi na mundu bu ka nega
Abô moku ka ta pou tontu
Pa bu kai ta da ki papia
Su lebadu midjor ta da kumbersu
Zingadu si bu ta poi tambe
Bodon, raskon, buniton, janaton,... há moss...
Galanton
Gaiatu ki ta laba um boca d'agu
Mosas kreu tcheu, tcheu ka poku
Pateta na boisu mal fadjabu
Sibitchi maradu longi lamparina
Ruspetu bu ka ta da nem pa racebi...
Na krutelu Rema Rema bo é kumbers'l mundu
Nhu Son Domingo alkansal um mon, nhu libral di prigu
Sê pa bo bodon mambá ki banketa era tchabeta
Sê pa bo bodon mamba ki simentera era toki'l gaita
Nansê bu tem gazadju pa bu mocinhuz
Nansê bu tem ki kumi pa bu mocinhuz
(Rabida:)
Kuça'l fla bu tem pa dimás
Lerez ez ta fica so d'obiu
Bu ta nporta sé ka janota
Di agradu bu stadu kual
Laraxadu bô é
si bu ka toma xintidu
Es ta trokau cor di camisa
Saltu seja bu ta fika pa stória
La la la
10 Pensá Drêt
Lyrics: Lura
Music: Lura - Edevaldo Figueiredo
Published by Africa Nostra (SACEM)
Bô dzem k'ma bô tava confuse
Bô dzem k'ma destine ka ta na bô mom
Depôs bo dzem kê mdjor
Nô pensa drêt na nôs relação
K'ma bô ka krê maguá nha coração
Mi m'totcha ma bô kis dzê ote kosa
M'totchá, ma-m ka krê nem sabê
M'fingi k'um ka intendê nada
Kê nada ka ti ta bem dxam sem bô
E se na nha uvid
Ka tiver bo voz
E se na nha olhar
Ka tiver bo luz
Mané k'um t'argui
Mané k'um ta sorri
Ondê k'um otxá força
Ke pa-m vivê
Mi ma bô
No tem um stória tão bnit
Dzêm pe kê ke bo krê bem mudá nos rume
Mané ke bo krê pa nos amor vrá grande
Se bô ka nem dal tempe sufciente p'al criá
Mi-m t'otxa ma bô deve pensá mdjor
Ka bô precipitá por favor
M fingi k'um ka intende nada
Ke nada ka ti ta bem djam sem bô
11 Festa Di Nha Kumpadri
Lyrics & music: Toy Vieira
Published by Africa Nostra (SACEM)
Sábado badju
La na casa di Nha Kumpadri
Bádju finkadu
Ku gaita ku tudu kusa
Festa di Nha Kumpadri ê fogadu
Ku rafogadus na kuzinha di sê mudjer
Olê olê olê lê
Oi mi-m tem ki bai
Oh lê lê lê
Nu ka pode falta
Mi so di pensa
Na sabura ki nu sta bem passa
Fadiga dja da-m
Ku gana pa dia tchiga
Festa di Nha Kumpadri ê fogadu
Ku rafogadus na kuzinha di sê mudjêr
12 Choro
Music: Edevaldo Figueiredo - Lura
Published by Africa Nostra (SACEM)
13 Fitiço di Funana
Lyrics: Lura - DON Kikas
Music: DON Kitas
Published by Africa Nostra (SACEM)
Fitiço ki bu tem na korpu minina
E fitiço di Funana
Fitiço ki bu tem no kurpo kriola
E fitiço ki ta fazebu brilha
Bu ta badja Coladera sabi
Pa da ku Tornu minina ê sô bo
Bu ta baja Mazurka sabi
Ma bu badju ê Funana
Ku bu Funana bu poi gerra na sala
Bu poi homis ta briga pa bo
Na roda ku mininas bu ta brinca ku bu saia
Bu pônu tuku ku ôdju na bo
Oi oi oi oi
Fitiço di Funana
